顏志恒孖伍Sir獻出音樂劇處男騷 苦練Beatbox期待父子檔上陣

《中年好聲音》唱將顏志恒（Benson）同評判伍仲衡（伍Sir）將獻出第一次演出音樂劇，Benson為咗演出特別去練習Beatbox，仲喺記招度騷咗一小段，技驚四座。

伍Sir被問會唔會開金口獻唱，佢反而話今次只會百分百投入佢嘅演技：「雖然我唱得難聽，但係好多人都好鍾意聽我唱歌，呢樣先係最難，今次演出我唔關音樂事，我完全係演員身份，如果要我唱歌，我要加錢。」伍Sir透露Benson劇中係佢嘅初心，不過未見過咁瘦嘅自己。

另外，Benson太太同兒子都有嚟撐場，原來大仔係以前輩身份現身，細仔上年有份公演，Benson指今年仔仔仲升呢有對白，佢都期待可以同仔仔父子檔上陣。