中年好聲音演唱會丨周吉佩相隔16年再獲獎項 將功勞歸於《中聲》團隊及吉S粉

周吉佩、李佳、羅啟豪、龍婷、顏志恒、吳大強、支嚳儀、林鉫徫、丁文俊同魏嘉信十位《中年好聲音1》唱將，日前聯手舉行兩晚演唱會，嚟到23號尾場演出，十位唱將繼續賣力獻唱，而吉吉帶咗一份新鮮滾熱辣嘅「禮物」上台同觀眾分享，就係佢當晚喺《第45屆十大中文金曲頒獎音樂會》獲得嘅「最佳進步獎」銀獎。

周吉佩當晚喺《第45屆十大中文金曲頒獎音樂會》獲得嘅「最佳進步獎」銀獎。

拎住獎座嘅吉吉話對上一次以個人身份出席樂壇頒獎禮，已經係16年前嘅事，冇諗過《中年好聲音》令佢一路走到上頒獎禮舞台，仲獲得進步獎，佢覺得呢份功勞係《中聲》團隊同粉絲「吉S粉」，係大家令到中聲嘅歌手可以越行越遠，令一班純粹熱愛音樂嘅人實現夢想。吉吉完騷後，就話好開心同一班唱將再次聚首一堂演出，希望好快再一班人開騷，而佢透露個人演唱會將於年尾同大家見面。
拎住獎座嘅吉吉話對上一次以個人身份出席樂壇頒獎禮，已經係16年前嘅事，冇諗過《中年好聲音》令佢一路走到上頒獎禮舞台。《中年好聲音1》唱將日前聯手舉行兩晚演唱會，嚟到23號尾場演出，十位唱將繼續賣力獻唱。