10位中一唱將加緊綵排準備演唱會 預告演出連環送秘密驚喜

周吉佩（吉吉）、李佳、羅啟豪、龍婷、顏志恒（Benson）、吳大強（Bill哥哥）、支嚳儀（Venus）、林鉫徫、丁文俊同魏嘉信十位中唱將，為稍後聯手舉行嘅演唱會積極排舞。

羅啟豪經過一年嘅修行，對舞技係有信心，連Bill哥哥都讚羅啟豪舞技進步好多，自己要不時喺屋企練，林鉫徫同李佳就話最難係記走位，丁文俊就指要加緊練習。

為咗令入場觀眾有驚喜，10位唱將各有準備，吉吉同Benson及魏嘉信預告邀請咗一位有錢都請唔到嘅嘉賓，而Venus同龍婷就組成限定女團表演勁歌熱舞。另外，佢哋務求以最佳狀態示人，除咗練歌排舞，仲有就係戒口修身。