中一生開騷密密操練 車婉婉窩心孖龍婷拍片大力宣傳

由周吉佩、李佳、羅啟豪、龍婷、顏志恒、吳大強、支嚳儀、林鉫徫、丁文俊、魏嘉信等十位中聲歌手即將喺6月22、23號舉行一連兩場《一班好聲音「十」力無限演唱會》。呢次開騷，亦係中一生對歌迷長久支持嘅最好回報，各位歌手們落力排練同操fit自己。

6月22、23號舉行一連兩場《一班好聲音「十」力無限演唱會》

演唱會歌單精彩，有感性慢歌之餘亦有連串唱跳環節，龍婷、支嚳儀早前透露將會組限定女團為觀眾送上勁歌熱舞；嘉賓方面就有「中二生」古淖文、譚輝智、顏米羔、黃劍文做特別嘉賓。近日，作為《中聲》兩屆節目主持嘅車婉婉孖住龍婷拍片為演唱會宣傳，而婉婉更為「中一生」大力打氣，真係好窩心啊！《中聲》歌手非常寵粉，早前佢哋為製作打卡人型紙牌進行拍攝，令各位歌迷喺場館入口處開心同「偶像」打卡留念。
為《中聲》兩屆節目主持嘅車婉婉孖住龍婷拍片為演唱會宣傳。婉婉更為「中一生」大力打氣，真係好窩心啊！