明愛暖萬心｜Archie小明同台唔尷尬曝合作大計 曾比特獲欽點唱《繁花》歌曲盼拍王導新作

慈善籌款節目《明愛暖萬心》7月初舉行，呢日將會參與演出嘅 曾比特 方皓玟 冼政峰 譚輝智 古淖文 等同其他嘉賓一齊現身記者會宣傳。而早前傳出緋聞嘅Archie同小明呢日亦齊齊現身，仲合體接受訪問，仲話唔會特別避忌，仲指會有計畫作音樂上合作呀。

睇落身形太過纖瘦嘅小明，指自己因為即將推出新歌而頻頻練舞，雖然已經一餐接一餐，不過就估計因為運動量太大而無法增磅，仲叫大家唔使擔心，自己非常健康咁話。

至於Mike受 王家衛 導演欽點主唱《繁花》嘅劇集歌曲，令佢與有榮焉之餘，佢仲話希望以後仲有其他合作機會同王導合作咁話。至於FC同German亦將於當晚演出，啱啱由泰國登台回港嘅German更趁機玩幾日放鬆吓，返嚟就要繼續綵排中聲演唱會喇。龍婷同李佳亦都忙住綵排，唔止不約而同一齊去整靚頭，就連揀衫嘅Taste都非常接近，認真係好隊友呀。