梁朝偉捐300萬予獎學金助基層學童 勉勇對失敗轉化成向上熱誠

近來不時於外地被野生捕獲嘅影帝 梁朝偉 去年曾以嘉賓身份，向一眾基層小朋友勉勵分享自身經歷，又鼓勵大家只要夠努力，一樣可以獲得非凡成就。轉眼間近一年過去，身為香港兒科醫學會鵬程奮進堅毅獎學金發言人嘅 偉仔 就決定捐出300萬協助，將去年20名受惠小朋友，暴增至今年會有約150至200基層同長期病患兒童獲頒1.5至2萬元獎學金。

偉仔去年為獎學金現身活動勉勵小朋友，今年更捐出300萬令受惠人數增加

梁朝偉 今日同獎學金嘅人員今日接受電台訪問﹐偉仔話希望自己嘅個人捐款有帶頭作用，又希望向小朋友表達支持，令佢哋更有動力。偉仔又鼓勵年輕人唔好害怕面對失敗，仲話自己有9成時間都要面對挫折。自己會將之視為人生經歷，最緊要係搵到個人目標同熱誠。

佢今日受訪時指出，希望自己呢次捐助有帶頭作用

身為獎學金發言人嘅偉仔仲話，獲得獎學金支援嘅小朋友，都非常正面堅毅咁面對困難，更有獲獎者將部分獎學金回饋母校。佢認為最重要係唔好標籤自己，希望透過捐款幫助兒童同貢獻社會。

偉仔勸勉年青人要勇對挫折，加倍向目標努力