梁朝偉62歲生日與劉嘉玲攬樹慶祝 韓國粉絲為其舉行生日應援

擁有一雙電眼、迷到唔少觀眾嘅梁朝偉，喺6.27正日生日嘅呢日，就有韓國fans為佢喺首爾嘅兩間cafe入面，舉行為期3日嘅生日應援活動！
有韓國fans為梁朝偉舉行生日應援。
呢次嘅生日應援，除咗有相、小卡、杯呢啲應援物外，fans們仲整咗個可以同偉仔合影畀心心嘅四格相，以偉仔喺威尼斯影展奪終身成就金獅獎嘅相而砌成嘅應援卡、同埋一套畫咗偉仔Q版樣嘅Macaron，相當有心思。另外亦有fans將偉仔以往演出過嘅角色，砌成積木小人，連同佢嘅生日周邊送咗畀偉仔。
啲應援物好靚
而偉仔嘅老婆劉嘉玲，亦喺6.27呢日喺社交平台post咗同偉仔喺布達佩斯手拖手閒逛嘅片，當中仲有偉仔攬住棵大樹吸收天地靈氣嘅搞笑畫面，而喺帖文入，嘉玲就表示：「生日快樂🎈願你每一歲都行在自己的熱愛裡❤️」

fans將件仔過往嘅角色砌成積木人仔。劉嘉玲post出同偉仔嘅合照。偉仔生日攬樹慶祝。