坤達 歐弟 同 健志 三位唔同年代嘅台灣男團成員,加上歌后 A-Lin 將為男團選秀節目嘅新一輯擔任導師,呢日嘅記者會一眾練習生就事先演出騷Quali,幾位導師就指上一輯嘅參加者成績非常唔錯,所以令佢哋想超越一啲都唔易呀。
首次擔任導師嘅健志更坦言自己似乎太過認真,唔止重溫第一輯嘅節目,仲希望可以令參加者有美好嘅發展喎。而同隊員重組回歸樂壇嘅 坤達 亦同步正為小巨蛋演出排練,日忙夜忙嘅佢仲搞到老婆柯佳嬿非常肉赤呀。
至於歐弟日前證實圈外女友有喜,即將升呢做爸爸,呢日由頭笑到尾嘅佢,仲話會安排同女友登記結婚,仲搞笑話身體好所以想有BB就有咁話喎。
登入後即可查看我的收藏
登入後即可查看瀏覽記錄