MC澳門水上音樂節壓軸被熱情fans包圍 Dear Jane出場迅即炒熱全場氣氛

澳門首個聲浪加激浪戶外水上音樂節喺6月23號喺新濠影滙舉行，第一浪邀請人氣女子組合Lolly Talk唱跳，爆發青春活力氣色，仲有樂隊Dear Jane唱《不許你注定一人》、《哪裡只得我共你》、《到底發生過什麼事》，迅即炒熱全場氣氛，觀眾好投入跟隨著大合唱。壓軸登場嘅有近年歌壇新貴張天賦(MC)，台下已被熱情fans包圍住，MC又唱咗《記憶棉》、《小心地滑》、《世一》，嘉賓同觀眾一樣玩得好High，為音樂節寫上完美演繹。

張天賦喺台下已被熱情「賦二代」包圍住，嘉賓同觀眾一樣玩得好High，為音樂節寫上完美演繹。

一眾嘉賓陣容雖然好鼎盛，但話晒係澳門主場，又點少得澳門五人搖滾樂團B記嘅演出，佢哋以熱血澎湃嘅青春搖滾曲《玩咗先講》同《天空》為活動揭開序幕。接著由澳門五人樂團香檳黃以《一格格》及《轉圈圈》登場，小清新嘅曲風配上療癒歌詞，讓樂迷迎著初夏嘅微風細心欣賞。及後仲有男子樂隊Zpecial帶來多首抒情搖滾代表作，激昂嘅音樂惹起觀眾共鳴。

樂隊Dear Jane迅即炒熱全場氣氛，觀眾好投入跟隨著大合唱。

今次觀眾除咗可以一邊睇騷之外，仲可以一邊喺室內園區水上玩樂園狂歡玩水，感受聲浪加激浪雙重享受，而本周六(29號 )將會有張敬軒、泳兒、樂隊ToNick等參與演出，嘉賓陣容同樣有睇頭。
人氣女子組合Lolly Talk唱跳，爆發青春活力氣色。