詹天文宣揚健康信息 勸導發掘不同興趣免成為賭徒

詹天文（Windy）喺2024年歐洲國家盃期間，出席一個跟拒絕賭癮嘅活動擔任活動嘉賓，希望大家做個醒目真球迷，宣揚健康無賭信息，並以活力跳唱支持大家拒絕賭波嘅誘惑。

詹天文主辦｢踢走賭癮做個醒目真球迷｣推廣及公眾教育計劃擔任活動嘉賓。

Windy分享同朋友之間睇波趣事，講到佢身邊有冇人賭波時，Windy坦言有身邊人係會賭波，但幸好唔算多︰「我一定會勸佢哋，去踢波唔好賭波，冇踢開波嗰啲就叫佢哋嚟活動聽我唱歌或者嚟應援我，哈哈！」Windy雖然已考完DSE等緊放榜，但佢仍然好繁忙，對於今屆歐洲國家盃，Windy話自己應該冇太多時間觀看賽事，不過佢認為只要球員踢得落力，隊隊都值得支持。

詹天文分享她與朋友之間的足球趣事。

Windy趁機呼籲大家要做個醒目真球迷，遠離賭博先係身體力行支持心儀球隊嘅最佳方法，並提議大家平日可發掘不同興趣，減少接觸賭博機會，如有需要記得向身邊朋友或戒賭機構求助。

詹天文活力跳唱演出。