鍾柔美小背心快閃鬧市打卡宣傳新歌 獲不少fans到場應援

鍾柔美（Yumi）呢日以小背心造型現身尖沙咀，快閃打卡宣傳新歌，獲不少fans到場應援，Yumi感謝fans嘅愛戴，新歌MV見佢放低一向乖乖女形象，以型格造型登場。

Yumi有留意觀眾留言，知道大家喜歡睇佢跳舞，又指喺MV要主動撩男仔，Yumi坦言平時一定唔會咁做，而Yumi講到MV裡面嘅手指舞，睇落好似幾簡單，更即場示範手指舞。

Yumi即將同姚焯菲（Chantel）及詹天文（Windy）開騷，感覺似係成長咗嘅一個騷，期待之後陸續有演出。