鍾柔美任暟晴曾比特為慈善騷綵排 同管弦樂團合作感覺震撼

慈善騷《明愛暖萬心》即將於7月6日晚舉行，有份參與演出嘅鍾柔美、任暟晴同曾比特事先為節目綵排，首次同兩位青春美女合作，Mike就話好期待，不過Yumi就竟然以神奇來形容今次嘅合作。

今次演出有管弦樂團伴奏，除咗Yumi有經驗，Mike同Jasmine都係第一次，見過唔少大場面嘅Mike就話感覺好震撼。而Jasmine覺得無論視覺或者聽覺都好豐富，希望觀眾睇得開心，

Jasmine同Yumi兩位都係應屆考生，原來演出當日撞正係Jasmine放榜嘅日子，所以佢話心情好複雜，仲話為咗唔影響演出心情，決定keep起放榜結果，留待演出之後再睇。至於Yumi嘅DSE結果，就要等到17號先放榜，不過身為學霸嘅佢就話對成績好有信心喇！