Fans頂暑熱撐新歌應援活動 潘靜文無懼批評再主持直播騷

雖然大熱天時，但係 Sherman潘靜文 嘅Fans依然相當窩心齊集旺角支持偶像，一早去到一間茶飲店支持Sherman為新歌《傷魚座》展開嘅新一輪應援活動。歌曲推出咗已經一段時間，呢日Sherman就向大家派發親手沖嘅檸檬茶同新款應援物，希望有更多人認識自己嘅作品。
見到有咁多人支持，Sherman都相當感動：「我冇諗過咁多人支持，所以有少少受寵若驚，又擔心會阻街收投訴，但好彩大家都好聽話好合作，最近我留喺電視城工作比較多，少咗出席公開活動，好耐冇見Fans，好開心有機會同佢地互動增進感情。」

Sherman未來亦有唔少新挑戰，其中將會投入體壇盛事巴黎奧運嘅主持工作，首次做奧運主持佢都話超級緊張，要落好多功夫做準備。而佢手頭上仲有另一個挑戰就係會再次主持直播大騷。雖然之前主持台慶時經驗不足惹來唔少批評，但係佢未留陰影，反而好期再同阿姐汪明荃再合作。