黃曉明獲封金爵奬影帝殊榮 分享出演智障角色心路歷程

黃曉明出道多年演出過多套影、視作品，最近佢憑主演電影《陽光俱樂部》，獲第26屆上海國際電影節頒發金爵奬影帝殊榮，即使曉明過去都得過唔少奬項肯定，但亦難掩激動心情，呢日佢喺同樣封影帝嘅梁家輝手上接過奬座，發表感言時被網民發現佢全程手震。

曉明得獎後發表感受時表示很開心又激動，覺得做演員喺件好幸福嘅事，因為可以演出不同人生，能夠獲得「最佳男演員」獎項特別興奮，並表示第一時間想與家人分享喜悅，因為恰巧家中一位95歲嘅長輩正值生日，同時承諾會在電影路上繼續努力非常享受拍戲過程。

曉明更向大家回顧一吓戲中角色，佢飾演一位老年智障人士，智商年齡只停留於8歲左右，但角色還是充滿陽光，面對人生依然會有喜、怒、哀、樂，不管面對世界風風雨雨，仍堅持快樂地走下去，是一部快樂的電影。