徐濠縈公開被背痛困擾多年 接受椎間盤置換手術求康復

一向熱愛運動，有「肯雅徐」封號嘅徐濠縈，不時喺社交平台分享上山下海嘅運動相，但係近日佢就分享咗兩張腰椎嘅X光相，另外仲有喺手術室嘅環境相同寫有「加油!媽媽」等相關相片。
徐濠縈近日分享咗兩張腰椎嘅X光相。徐濠縈透露由於腰椎間盤突出問題，多年嚟一直患有背痛。

阿徐亦喺帖文以英文寫上自己情況，佢透露自己由於腰椎間盤突出問題，多年嚟一直患有背痛。喺2022年時，佢接受咗手術切除剩餘嘅椎間盤，但係下背部疼痛仍然存在。

徐濠縈接受咗手術切除剩餘嘅椎間盤，但係下背部疼痛仍然存在。

作為一個非常活躍嘅人，佢話自己過去嘅兩年特別具有挑戰性，因為不得不停止重量訓練，喺野外滑雪，由於要攜帶沉重裝備，佢經歷過背部疼痛。呢種情況影響咗佢日常生活，每當打噴嚏時都會感到劇烈疼痛。結果喺醫生建議下，佢決定進行椎間盤置換手術。
徐濠縈特別感謝住院期間一直照顧佢嘅醫生同護士。

講到今次手術，阿徐形容好可能係佢人生中，除咗20年前生下女兒之外，最重要嘅一次手術。佢希望手術令佢盡快回到喜歡嘅運動，並恢復日常生活。最後佢亦特別感謝住院期間一直照顧佢嘅醫生同護士。

徐濠縈形容好可能係佢人生中，除咗20年前生下女兒之外，最重要嘅一次手術。