婁峻碩個唱攬未婚妻放閃 歌迷熱情內衣底褲照單全收

婁峻碩（SHOU）香港演唱會日前圓滿結束，全場1200名觀眾爆滿全場！開場時，SHOU不時大晒廣東話，台上仲搞笑爆粗贈興。本來講好唔會脫衣騷肌嘅佢，但最終難敵台下熱情尖叫，一展好身材。
婁峻碩香港演唱會日前圓滿結束，全場1200名觀眾爆滿全場！

SHOU呢晚演出近30首歌曲，除咗邀請到高中同學幫手站台彈結他外，未婚妻焦凡凡同父母有到場支持。喺唱到《Till 4Ever》時，佢更走到觀眾席同未婚妻「攬攬」，認真夠晒甜蜜。事後SHOU就面紅紅解釋：「因為一早決定走上樓梯，但她坐在樓梯旁，一定要『打招呼』。」講到婚禮計劃，佢就表示暫時以家宴為主，但都有兄弟環節，有好消息會公佈。
 
SHOU走到觀眾席同未婚妻「攬攬」，認真夠晒甜蜜。

雖然SHOU再三強調Tyson Yoshi未有到場，不過喺唱到《Just break up》時，即席台下揀觀眾合唱，偏偏揀中Tyson Yoshi大學同學，認真有緣份！而SHOU每次開騷都會收到粉絲拋內衣上台即興，呢次都唔例外，更有人拋男士內褲，非常大膽！佢表示會「照單全收」：「我都會帶會台灣的，因為每位Fans的心意、卡片都要留位，只是放在房間越來越多。」
 
SHOU每次開騷都會收到粉絲拋內衣上台即興，呢次都唔例外，更有人拋男士內褲。

SHOU呢次香港個唱足本還原台北舞台，由幾個LED大螢幕做出立體效果，亦不惜工本採用頂級音響，媲美紅館級數器材，令佢擔心天價成本嚇怕投資老闆：「今次演唱會製作費很貴，之前做演出場地都很大，今次原封不動搬來香港，應該不會有人會這樣做，只要大家覺得好睇就可以。」SHOU亦表示一定會再到香港搞個唱。
 
SHOU表示一定會再到香港搞個唱。

歌手們喺過去舉行中小型演出場地首選嘅九展拆卸在即，西沙創夢館順理成章接棒。騷後SHOU大讚場地環境一流，演出時更可以同大家近距離互動，真係好好玩。