倪晨曦宣布順利誕下第三胎 名字決定權交畀BB自己揀

恭喜晒！36歲嘅倪晨曦Elva，今日（26號）喺社交平台post出一條BB片，宣布順利誕下第三胎！Elva喺帖文入面表示同老公為咗囝囝嘅名糾結咗好耐，於是佢哋就將決定權交咗喺呢位初嚟步到嘅新成員手，由佢自己決定自己個名呀！

片中所見Elva將 Nigel 同 Nate 兩個名嘅紙條放喺BB手中，由於驚BB唔小心將紙條仔食咗，爸爸仲好細心咁將手擋喺BB個嘴前面以防出意外，最後BB將寫有「Nigel」嘅紙條緊緊咁握住喺手，所以BB最終就決定叫Nigel 喇！

Elva喺帖文中表示兩個囝囝已經急不及待想見細細佬，而佢同老公就希望 Nigel 可以健康快樂、平安幸福咁長大，當然仲有就係同兩位哥哥相親相愛啦！