一條麻甩在東莞｜王祖藍尋秘東莞好去處 林秀怡曾食沙蟲冇有怕

由王祖藍主持嘅綜藝節目《一條麻甩在東莞》逢星期六晚9點喺翡翠台播出，祖藍呢位貨真價實嘅東莞仔將會帶大家探秘當地好食好玩之處。祖藍就話，自從節目播出後都多咗唔少街坊問佢東莞係咪真係咁抵食，好玩。祖藍呢日亦邀請關楓馨、林秀怡、彭慧中三位靚女嚟記招邀請主持飲食節目心得。唔好睇秀怡係女仔，就以為佢細膽咩古怪嘢都唔敢食，心雄膽壯嘅佢就試過食沙蟲，仲話炸沙蟲最好食添！
 
其實試食沙蟲並唔算係最大膽，彭慧中就話自己曾經試食螞蟻，嚇到祖藍都呆一呆。關楓馨就話，只要經過烹調，有味嘅佢都唔怕試，令祖藍都忍唔住提議佢試下「小強思樂冰」。祖藍又笑言，如果搵佢炮製一個挑戰核突食物嘅節目，真係可以諗得過。
 
東莞特產多不勝數，出產嗁荔枝出名香甜多汁，祖藍呢位地膽當然率先品嚐過啦！而香港東莞社團總會會長朱李月華博士呢日喺記招同大家分享好消息，就係東莞市領導每年都會喺6月份準備荔枝送到香港嘅鄉親手上。
 
最近祖藍亦帶家人齊齊返東莞感受當地方龍舟節氣氛，大讚好食又好玩，更令祖藍驚奇係當地仲有「水上舞獅」，形容活動同嘉年華一樣。佢又笑指家中女眷一齊到超市掃貨，大讚廁紙超抵買。

《一條麻甩在東莞》逢星期六 21:30 翡翠台播映