陳法拉法國出席時裝騷寓工作於度假 喜遇荷里活女星姬蒂白蘭芝

陳法拉日前現身法國一個時裝騷，法拉趁今次巴黎工作之行順道同家人喺當地度假，以及為同哥連費路（Colin Farrell）合演嘅新片《The Ballad of a Small Player》做好準備。而喺活動上，法拉更喜遇自己欣賞嘅一位荷里活女星姬蒂白蘭芝（Cate Blanchett）。
 
陳法拉日前現身法國一個時裝騷，法拉趁今次巴黎工作之行順道同家人喺當地度假。

法拉好開心表示：「好享受今次半工半私行程，既可以同家人度假輕鬆吓，又趁機熟讀新戲劇本做準備，仲有品牌客戶款待品嚐美味海鮮餐。而今次個show睇完之後，感覺同以往與別不同；好多衫款設計以珍珠、寶石為主題，所以今日所著嘅服飾有好多寶石珍珠元素在內，好華麗，大開眼界。」
 
法拉同家人度假輕鬆吓，又趁機熟讀新戲劇本做準備。

結束巴黎之行後，法拉返港為新片開工。最近香港受熱浪侵襲特別熾熱，所以法拉已經做好心理準備：「因為電影會喺香港、澳門兩地取景，為免中暑，我都要做好防暑準備。同樣要準備嘅仲有我所演嘅角色；因為今次角色情緒上比較複雜，要份外用心落苦功，對我嚟講都係一個新挑戰。」
 
陳法拉與姬蒂白蘭芝（Cate Blanchett）。

被問有冇被導演要求瘦身配合角色？法拉就好放心咁話：「導演冇特意叫我減肥keep fit演繹呢個角色，順其自然就得。為配合角色嘅精神狀態，都要食得健康，多食海鮮或肉食增加Energy，但澱粉質食物就盡量少食。」