美棋阿Ray巴黎蜜月浪漫打卡 未出發先興奮抵埗逛景點睇名牌

黃美棋 同 鍾健威 4月成婚結束11年愛情長跑，經過兩個月嘅時間，呢對新婚夫妻終於忙完手頭工作，近日就飛到即將舉行奧運嘅巴黎度蜜月喇。呢兩夫妻又Post咗出發前齊齊高飛跳起嘅合照，推住行李喺機場凌空而起，睇佢哋一致嘅表情已經知幾咁開心喇。

阿Ray同美棋4月成婚，近日終於出發度蜜月到當地即刻要喺美景前打卡

阿Ray就先後Post出到訪當地百年知名地標紅磨坊嘅相片，又去經典愛情電影《日落巴黎》嘅取景地Le Pure Café朝聖。

阿Ray就繼續搞怪用牛角包扮電話又去唔同景點朝聖打卡

至於美棋就唔少得喺當地美景前留影啦，佢亦Post出女士至愛嘅Shopping畫面，影住一整櫃各個唔同款式同顏色嘅名牌手袋，又留低「指定動作？」呢個唔係疑問嘅疑問，之後仲叫阿Ray坐低飲返啖咖啡「回血」咁話喎。

美棋有專屬攝影師阿Ray為佢留影
當然唔少得去Shopping喇