奧運智識玩丨麥美恩Bob即場《甜蜜蜜》踩單車 譚嘉儀被封「奧運生字典」

2024巴黎奧運舉行在即，TVB將轉播多項賽事，呢日麥美恩同林盛斌（Bob）參與由奧運六星主持嘅遊戲節目《奧運智識玩》，迎戰許靖韻、艾妮、何晉樂同文凱婷。

麥美恩同Bob事前諗住搵奧運六星拎貼士，笑指貼士好流，特別係鄭衍峰啲貼士完全幫唔到手，Bob仍然好有信心拎到金牌，最擔心只係踩單車嗰部分，佢哋更即場「上映」黎明同張曼玉喺《甜蜜蜜》踩單車嘅經典場口。

今次賽事要求大家運氣、知識同體能並重，艾妮負責智慧擔當，許靖韻挑戰體能環節；另一集節目就由譚嘉儀、周志康、許家傑、楊明同黃建東作賽，譚嘉儀喺現場信心十足，仲被周志康封為「奧運生字典」，楊明開心被老友黃建東拉嚟參賽，笑指有「遊戲王」黃建東助陣。