感動味蕾｜王敏奕零女神包袱顯吃貨本色 與周奕瑋初次合作默契十足

由周奕瑋（Jarvis）、王敏奕（Venus）主持嘅《感動味蕾美食餐廳100強- 關西篇》即將喺下周一（7月1日）播出。兩位喺日本食盡美食，Venus更完全拋開體重顧慮，放開肚皮盡顯吃貨本色。Jarvis同Venus更自認飯桶，品嚐到好食嘅飯時會完全感動到失去表情管理，所以喺進行配音時，兩位都被自己當時嘅表情嚇親。
 
雖然呢次係Jarvis同Venus首度合作，不過好在佢地默契十足，所以即使係要喺日本拍攝一個月都冇大問題，亦好快真情流露，不時講下搞笑爛gag。Jarvis仲問Venus，有冇諗過自己會變「女版方東昇」，仲即場玩押韻，為Venus改花名叫「金句王敏奕」。

《感動味蕾美食餐廳100強- 關西篇》逢星期一至三 22:35 翡翠台播映