乃木坂46會展開騷應援物擺爆場 廿成員唱足3個鐘為港迷苦練粵語

日本大堆頭女團 乃木坂46 嘅演唱會星期五喺會展舉行，20名訪港成員又唱又跳足足近3小時，Fans更由頭企到尾，一直跟住台上嘅成員又跳又唱，全場氣氛熱烈。

乃木坂46日前於會展開騷

今次來港演出嘅成員包括  五百城茉央(MAO IOKI)、池田瑛紗(TERESA　IKEDA)、一ノ瀬美空(MIKU ICHINOSE)、伊藤理々杏(RIRIA ITO)、井上和(NAGI INOUE)、岩本蓮加(RENKA IWAMOTO)、梅澤美波(MINAMI UMEZAWA)、遠藤さくら(SAKURA ENDO)、賀喜遥香(HARUKA KAKI)、川﨑桜(SAKURA KAWASAKI)、久保史緒里(SHIORI KUBO)、黒見明香(HARUKA KUROMI)、阪口珠美(TAMAMI SAKAGUCHI)、佐藤楓(KAEDE　SATO)、田村真佑(MAYU TAMURA)、中村麗乃(RENO NAKAMURA)、向井葉月(HAZUKI MUKAI)、弓木奈於(NAO YUMIKI)、吉田綾乃クリスティー(AYANOCHRISTIE YOSHIDA)同与田祐希(YUUKI YODA)。

成員連唱多首歌曲，整晚演出接近3小時

佢哋整晚喺現場共表演31首歌曲，好似《Synchronicity》、《Influencer》等代表作，當然唔少得風靡香港嘅《Moon Size》。全體成員事前更練習廣東話作自我介紹。但係成員都又搞笑又緊張，仲坦言為咗呢晚，學咗好多廣東話，令會場充滿歡樂笑聲。

佢哋亦一早準備好以廣東話自我介紹

而一班成員就話對香港印象一流，又指終於可以見到香港嘅朋友非常開心，香港嘅嘢食好好味，街道好靚，大家都好友善。又話今日終於到一眾成員飛嚟香港同大家見面，非常多謝大家。仲話想食燒鵝、蛋撻、片皮鴨等美食。

又話希望可以好好品嘗各式美食

而喺香港出世嘅黑見明香，呢晚就充當隊友翻譯，不過3歲已返日本生活嘅佢，廣東話一樣係有限公司，佢話：「我第一句講嘅廣東話係『巴士』！因為我想答23號巴士去銅鑼灣，哈哈哈。另外就係 『先生，平啲啦！唔該！』我喺香港出世、所以我好開心可以再嚟香港呀！

佢哋又非常感謝香港Fans嘅支持，話希望下次再為大家演出7月佢哋就會展開全日本巡迴演出喇

當日成員抵港港時，有200多位歌迷接機，而昨日歌迷送嘅應援花牌更超過200個，結果大會要多開一個展館用以擺放歌迷嘅心意，再開放予所有進場歌迷參觀。梅澤南完騷前更宣佈：「真的非常感動，多謝大家愛我們，我們一定會再次回到香港！」而 乃木坂46 返抵日本後，7月就會展開全國巨蛋「仲夏全國巡迴演唱會」。