山聰晨早陪Jaco考跆拳道升級試抽盡時間親子落力做好爸爸

新劇《反黑英雄》播出已經一個星期，扮演PTU警長「軒神」嘅陳山聰真係有型又威猛，難怪朱晨麗同何沛珈都同佢有感情線啦。至於明晚一集，將繼續張頴康囡囡被綁架嘅故事。

陳山聰於近日熱播嘅《反黑英雄》扮演警長「軒神」拍攝時囝囝Jaco曾到場探班睇爸爸拍戲

講到為人父母，兒女就係最寶貴嘅一切，好似山聰自從升任人父之後，唔止不時大曬同4歲囝囝 Jaco 陳霆軒嘅溫馨日常，兩父子又會齊齊打扮到勁型咁外出，山聰一有時間亦會盡量爭取陪住小朋友，同太太Apple又不時帶住Jaco去唔同地方體驗見識，早前山聰仲Share帶Jaco到《反黑》現場探班嘅有趣相片。