《繁花》掃白玉蘭5項大獎 「寶總」胡歌封帝 唐嫣大熱倒灶未感失落

《繁花》於6月28號舉行第29屆上海電視節白玉蘭獎掃5個獎項大豐收，「寶總」胡歌繼《琅琊榜》二度封白玉蘭視帝，佢笑指出門前問阿女覺得爸爸會拎獎嗎，阿女竟然話「沒有」，當時胡歌心情有啲失落，而家返屋企可以同阿女講「爸爸做到了」。

周迅擊敗唐嫣封后，賽前視后大熱嘅唐嫣未有感到失落，一樣好高興同劇集團隊慶祝，作為一位演員亦三生有幸能夠成為《繁花》一員，感恩遇上好作品，而周迅就笑談戴老花眼鏡領獎嘅原因。

此外，劉亦菲主演嘅《玫瑰的故事》喺內地爆紅，呢日佢與劇集團隊一同現身，劉亦菲一身粉紅花花晚裝登場仙氣十足，艷壓全場。