小心騙案｜梁漢文被張衞健冒用賬戶？ 澄清自己非光頭籲粉絲勿受騙

今時今日科技資訊發達，世界各地無時無刻都有騙案發生，喺娛樂圈裡面都唔例外，尤其係藝人經常運用作自我宣傳以及同粉絲溝通互動嘅社交平台，經常都會被不法之途假冒作生財工具或其他不正途使用，但呢類情況好多時都防不勝防。
梁漢文將騙徒cap低擺上網，呼籲大家要小心！
近年北上發展嘅梁漢文(Edmond)近日都成為不法之徒睇中嘅目標，好彩被Edmond及早發現，立刻喺自己嘅社交平台轉載內容出來，而呢位騙徒更開IG戶口用上Edmond嘅死黨張衞健(Dicky)嘅一張光頭嘅頭像，本來Edmond對呢啲假賬戶見慣不怪，不過就係有一點與事實不乎，驅使佢一定要澄清吓，Edmond上載相片兼留言：「其實近年我的假Acc多到唔想再提，但係今次見到呢個情況真係唔提唔得，好心想呃人都認真少少啦，點解我會變咗佢架，我有頭髮個喎，大家小心俾佢呃。」仲留咗一啲又笑又喊嘅Emoji，Edmond此舉表面上同老友開個玩笑，實際上都係想帶出呼籲粉絲不要被騙訊息，呢招用心良苦相信老友Dicky都唔會介意嘅。

眼見呢個戶口已經有近千位粉絲追蹤，而且其中嘅訊息仲涉及私下同網友聊天，所以Edmond都想提醒粉絲們不要受騙，有Edmond嘅真實fans見到呢個澄清post後，風趣引用Dicky主演劇集《西遊記》中嘅經典對白「Yo打妖精，使乜驚呀！」精明嘅粉絲們及網友們記得唔好咁易受騙啦。