反黑英雄．花絮丨袁偉豪返港終極執仇 大鬼陳少邦失禁慘死

袁偉豪飾演嘅陳祖耀喺槍殺黃子恆飾演「西九王」無良前，知道陳少邦飾嘅大鬼有份出賣佢，所以喺泰國秘潛返港作終極報仇。呢幕執仇戲份動用咗唔少人力物力。

先講物力，話說大鬼知道手下殺姚子羚飾演嘅林雪兒失手後，賣醉街頭嘅佢怒掟電話，點知連番NG後，就掟爛幾部道具電話。

至於人力，就係因為陳祖耀將架車高速駛向大鬼，再甩尾將大尾夾喺兩車之間，呢幕甩尾畫面就要工作人員用人手去推，都咪話唔吃力。

講到大鬼都好大付出，除咗被車輾過外，死前仲要被撞至下體失禁，工作人員事前仲要喺佢褲管上噴水，營造失禁效果。所以鏡頭前短短嘅鏡頭，幕後工作人員同演員都付出好多，值得表揚。