我推的野男LIVE！大隻猛男亮相 61歲黃志明即場騷六舊腹肌

TVB PLUS全新競技節目《我推的野男LIVE！》，十位參賽嘅大隻仔正式同大家見面，除衫騷肌絕對係基本嘢，個個都係運動健將，有專業健身教練、深蹲紀錄保持者、引體上升冠軍，仲有人即場示範單手push up，可謂係臥虎藏龍。

十位野男年齡跨度相當大，由23歲到61歲，年紀最大嘅黃志明睇上去好熟口面，原來佢係TVB特約演員，即管年紀大，不過佢就對自己嘅體能好有信心，由17歲開始健身嘅佢，健身生涯超過40年，真係少啲毅力都堅持唔到呀！

節目將會喺八月播出，四位主持火火、陸浩明、胡蓓蔚同支嚳儀都對一眾野男留下深刻印象。Venus仲搞笑話，見到61歲黃志明，令佢諗起《中年好聲音》嘅戰友吳大強，認真搞笑呀！