劉德華相隔五年再開全新演唱會 巡迴上海啟航台上四度哽咽

劉德華 相隔5年之後嘅全新演唱會《今天...is the Day》星期五晚於上海正式展開首站演出，今次演出已經係華仔闊別內地11年再次舉辦個人演唱會，全場座無虛席，華仔仲忍不住4度哽咽。狀態一流嘅佢喺接近2個半小時演出中獻唱超過30首作品，期間又唱又跳。

劉德華全新巡迴於上海揭開序幕

呢次巡迴嘅首場首站演出，晚上7點正式開始，華仔喺舞蹈員簇擁之下由升降台緩緩升起，一曲《今天》為演唱會展開序幕，緊接耳熟能詳嘅《笨小孩》，令原本氣温炎熱嘅上海，全場觀眾熱情令氣氛持續升溫。

華仔於台上狂唱足足2個半小時

華仔開首已同觀眾大合唱《可不可以》、《情感的禁區》，《天意》、《如果妳是我的傳說》等4首經典歌曲 ，令現場觀眾非常投入。加上之後奪目亮相嘅神獸、飛龍藝術裝置結合，緊接演出《中國人》一曲配合視覺驚喜，更加震撼現場。

舞台配合大型屏幕極富視聽之娛

之後華仔獻唱《17歲》、《如果有一天》、《仍唱我的歌》同《掌聲響起》期間，4度熱淚盈眶，對Fans嘅熱情同多年愛戴，華仔感恩話：「我已經5年沒有開演唱會，今天終於和歌迷見面，心情好興奮，但又好緊張，很久沒試過這種感覺，一開始大家便跟我一起大合唱，歌迷一如既往的熱情，我好幸福，只要大家願意聽，我就用盡我力量去唱。」

已經幾年未有演唱會演出嘅佢，喺台上數度哽咽

今次巡迴舞台上加上音樂、視覺效果等，華仔都與團隊花咗唔少心思。除咗飛龍、神獸等藝術裝置，仲有以水墨字畫，同大班LED屏幕展現嘅中國色彩歌曲環節。仲有一段以30年代上海灘作背景，以歌劇形式演繹一段愛情故事，充滿住浪漫同懷舊風情。

音樂總監 趙增熹 為首嘅樂隊，加上六位男女組成嘅六重奏和唱、以及彈奏琵琶同色士風少女為華仔伴奏，令表演更為豐富。

其中一段以老上海作背景嘅歌劇演出非常浪漫巡迴之後將到訪多個唔同城市，年底於香港作跨年演出

今次係華仔相隔多年再度於內地開騷，歌迷反應非常熱烈，內地各站門票迅速售罄。巡迴由上海起步，之後分別登陸廣州、北京、南京、杭州、成都、重慶、深圳等城市。