李佳生日與老公恩愛放閃 吳大強與羅啟豪撐場送暖

7月3日係 李佳 生日，由於佢一好繁忙，直到近日先正式同粉絲一齊賀生日，《中聲》戰友 吳大強 (Bill哥哥)同 羅啟豪 都有嚟到賀，李佳特意選唱大量歌曲包括《幸運是我》、《我的歌聲裡》、《如願》、《Saving All My Love For You》等，唱足兩個鐘回饋粉絲令大家盡興。Bill哥哥同Ramon難得嚟到，當然都有上台同李佳合唱啦。

李佳呢次聚會邀請Bill哥哥同台合唱Ramon亦都同壽星女一齊演出

而呢晚李佳嘅外籍老公Sunny喺中途送上蛋糕，仲上獻唱咗老婆參加中聲時嘅首本名曲《上海灘》，雖然發音未係最純正，但絕對感受到佢對李佳嘅誠意同愛，令李佳一邊聽一邊冧爆。之後李佳亦心有靈犀，唱出一首同老公名字一樣嘅歌曲《Sunny》，Sunny即場帶動大家起舞，場面熱鬧，兩夫妻有個難忘嘅一夜。李佳之後亦分享好消息，話即場會推出新歌，但對創作人大賣關子，只肯透露若大家知道呢位製作人嘅名字會覺得好特別。

不過最冧就一定係老公Sunny獻唱喇