吳姍儒迴避老公都成功陀B 最擔心二胎跟老豆同一星座

吳宗憲 女兒 吳姍儒 迎來第二胎懷孕7個月，呢日佢同拍檔浩子一齊出席新節目記招，腹大便便嘅Sandy都有解釋陀住BB都要接新工作嘅因由，原來呢個工作一早已經安排好，仲透露今次懷孕完全係意料之外，Sandy回憶今年一月時，大家都追問佢會否再生第二胎，當時佢指未有計劃，正在迴避老公，豈料一個唔覺意身二胎就靜靜雞來臨，黃豪平即指有時夫妻都有忍唔住嘅時候，而許效舜就笑Sandy到底是「迴避」還是「碰到」？場面搞笑。

Sandy雖然有前一胎嘅經驗，不過今次陀B依然有啲狀況，早前仲唔小心整親條腰，幸好無大礙，浩子就指做媽媽的確好辛苦，大爆Sandy想生五胎所以更甚，Sandy反應好大澄清冇呢個想法，只係生完第一胎覺得BB好可愛，才決定生第二胎，若果之後情況許可才再作打算。

Sandy今胎預產期喺九月尾，有傳佢將會主持十月中舉行嘅金鐘獎，Sandy指暫時屬未知之數，不過佢確實希望BB可以早啲出世，但並唔係為咗主持金鐘獎，因為若BB九月尾出生就會同老豆吳宗憲同一星座，呢點令Sandy最擔心。