反黑英雄｜袁偉豪邪氣奸角被指走變態路線 姚子羚被冰鎮打毒針嬲鼻血唔聽話

真實感十足嘅劇集《反黑英雄》播出之後獲得唔少好口碑，呢日 袁偉豪 朱晨麗 姚子羚 黃子恆 張馳豪 等齊齊出席宣傳活動，就即場大玩遊戲同派發紀念品，而首播嘅7天跨平台收視佳績，仲成為2024年兩線劇集嘅首播收視之冠。

朱朱同阿Ben就話一首播就報捷，對演員係非常大嘅鼓勵，仲希望大家繼續收睇因為劇情將會更加緊湊呀。而扮演反派嘅阿Ben仲獲大讚又邪又有型，仲有人問佢係咪會改走變態佬路線，非常搞笑呀。

而同樣一身紫色打扮現身嘅子羚同子恆，原來並非故意襯色，至於被指有力問鼎今年視后，子羚就話言之尚早，因為下半年仲有唔少劇集排隊上陣，佢又話今次拍檔都非常強大，大家都非常投入，自己更覺得劇中角色非常好玩呀。

至於為劇集獻唱插曲嘅 吳若希 呢日齊現場為大家演唱，最近正忙於內地拍劇同巡迴嘅Jinny，仲話希望可以再邀請Aska再次出演，因為唱跳時可以靠對方幫幫手，再騷埋肌就更好咁話。