陳貝兒取回被盜社交帳號 報告無窮之路4拍攝進度

陳貝兒 最近正同攝製隊遊走世界各地拍攝《無窮之路4》，最近佢去到歐洲國家塞爾維亞，又喺社交平台出Post報告行程，近日佢哋一行人經已到達此行嘅第4個國家，仲透露花咗一個星期拍攝，由首都貝爾格雷德到東部波爾小鎭，更有到訪著名嘅多瑙河邊。

陳貝兒同攝製隊拍攝《無窮之路4》，近日已經到達此行第4個國家

新一輯節目中佢哋會用兩個月時間走訪7個國家，遊走歐洲、非洲以及中東，探索中國點同其他國家分享經驗，共建世界人民嘅無窮之路，其中Janis有幸登上造島神器「天鯤號」。

身處塞爾維亞嘅佢哋，今次會採訪中東同歐洲非洲7國

其實拍攝之旅中Janis遇到唔少未知，好似之前佢喺達中東拍攝就遇上極度高溫，感受50度拍外景滋味，而日前佢更貼圖指自己嘅社交平台被Hack，有不法之徒冒認佢身份向人借錢，而家Janis嘅社交平台回復正常貼相貼片，相信佢經已順利取回自己嘅帳號喇，攝製隊尚有3個國家就完成拍攝，相信《無窮之路4》好快就會播出同大家見面。

Janis早前出Post指自己社交平台被盜，不過相信已取回