姚子羚為求畫面靚克服怕水 親解林雪兒徐國賢感情線

姚子羚 喺熱播劇《反黑英雄》嘅亮眼演出，除咗被冰鎮同打毒針一幕令觀眾印象深刻，其實同一集內被掟落水一幕，子羚都好大付出，事關本身怕水嘅佢要克服喺五米深潛水池度拍攝水中戲。子羚話劇組好體貼，起初喺淺水池度拍攝，但感覺唔夠好，所以佢就決定喺深水池拍，佢話當刻無諗太多，加上知道有乜事，張振朗都會救佢。

被振朗封為兒時偶像，子羚笑指振朗的確有咁講。以往跟陳山聰經常演CP，今次換成振朗，問到佢鍾意同邊個演CP多啲？子羚話梗係後生啲嘅振朗。至於唔少觀眾都想劇中嘅林雪兒（子羚飾）同徐國賢（振朗飾）舊情復熾，子羚就親解點解唔可以發展。