山聰Kelly合演最新《廉政行動》 深入禁地拍攝印象深刻

《廉政行動2024》呢日舉行煞拜飯局，主演嘅 陳山聰 張曦雯 蔡潔 徐榮 林凱恩 容天佑 阮浩棕 等齊齊食返餐好嘅慶功，山聰仲話呢部劇拍攝相對較為輕鬆，而首次有機會深入了解香港引以為傲嘅ICAC同有機會直擊總部情況，都令佢印象非常深刻呀。

新一輯《廉攻行動》早前完功煞科

Kelly原來今次扮演孕婦，雖然陀假肚已經感受到媽媽嘅偉大，不過因為故事第3集就分娩，所以所以演出就更加舒服喇。咁啱完成拍攝之後，就係暑假開始，佢哋就把握機會分別去咗旅行充電喇。

蔡潔同徐榮為當中嘅拉丁舞苦練幾個月先拍攝

蔡潔同徐榮今次首次合作演出，劇中仲會有火熱嘅拉丁舞場面，更加排足3個月先正式拍攝，徐榮仲自嘲跳得一啲都唔叻呀。而同阮浩棕會發展感情嘅Iris，今次仲要挑戰學滑板演出呀。

Iris就話自己會同阿Nic有感情線發展