佘詩曼奪亞洲影視內容大獎女主角金獎 高海寧盛裝出席攞女配角金獎

2024年亞洲影視內容大獎5號喺台北舉行，佘詩曼同高海寧雙雙憑住《新聞女王》中嘅優秀演技，奪得最佳亞洲製作電視節目/劇集女主角同女配角金獎，而張曦雯亦憑劇集《破毒強人》得到女配角銅獎，真係恭喜晒！

阿佘喺限時動態報喜。阿佘喺限時動態報喜。

阿佘因為行程安排未能親自到台灣出席頒獎禮，由高Ling代為領獎，佢喺IG用英文出post，內容寫到：「我很高興也很榮幸獲得2024年ContentAsia獎最佳女演員獎。謝謝ContentAsia。很遺憾由於行程緊迫，我未能出席頒獎禮。此外，非常恭喜我親愛的高海寧獲得最佳女配角獎！你絕對當之無愧﹗一齊期待《新聞女王》第二季。」最後阿佘仲特別以中文寫到「雙喜臨門」。

高海寧憑許詩晴呢個角色奪得最佳女配角獎。高海寧代阿佘上台領獎。高ling喺IG post出多張相片。佘詩曼喺IG出post講得獎感受。高ling 喺 IG 出post講得獎感受。

而高Ling就寫到：「非常感恩可以再次憑許詩晴這個角色得到最佳女配角獎，謝謝Content Asia，更開心係Man姐再再再次得到最佳女主角。」高Ling話因為有好嘅作品，自己先有機會企上頒獎台，所以特別感謝成個劇組幕後團隊，尤其係監製鍾澍佳，自己會繼續努力，帶更多好作品去到世界各地。而Kelly亦有喺IG限動寫到「Thank You」。再次恭喜晒阿佘、高Ling同Kelly！

高海寧到台灣領獎。張曦雯.jpeg