高海寧陳靜麻雀枱上求真愛 馬國明毒男上身 陳家樂向Peter朱致敬

蛇年賀歲片《麻雀女王追男仔》由高海寧、馬國明、陳家樂、陳靜、許紹雄及林盛斌等攜手演出，齊齊放笑彈，新片將於1月28號（年廿九）上映，與民同樂女王賀歲，電影公司今日發放全新爆笑預告，解放片中多段人物關係。

大家姐高海寧偏偏遇上超討厭伴侶打牌嘅「毒男科學家」馬國明。
九龍城寨村長「龍卷峰」許紹雄打頭陣，Call齊三位掌上明珠高海寧、陳靜及霞姐帶齊愛人「見家長」，開出三段剪不斷理還亂嘅感情線。三女受到「長輩壓力」唔敢怠慢，竭力守護自己與真命天子嘅關係！ 大家姐高海寧從細人生興趣就係打牌，縱橫麻雀枱多年，偏偏遇上超討厭伴侶打牌嘅「毒男科學家」馬國明，高Ling決定揀愛情唔揀麻雀，隱藏自己內心，而預告中一句「我至憎打麻雀㗎喇，聽到麻雀聲就會毛管戙」！ 

二家姐陳靜喺戲中與「躁狂症影帝千紅哥」陳家樂結下片緣。
飾演「電影親密指導」嘅二家姐Dada（陳靜）喺戲中與「躁狂症影帝千紅哥」陳家樂結下片緣，片中家樂更加演技大爆發，連環向經典作《賭俠大戰拉斯維加斯》Peter朱致敬，至於家樂一句獨白「有個影帝睇得起我呀，教我演戲最緊要大聲，情緒到就一路直踩，So What」，令人憶起《流氓大亨》經典對白，家樂喺短短預告片段中已超級搶戲。

二家姐Dada喺戲中飾演「電影親密指導」。郭珮文喺戲中與李尚正、霞姐展開三角戀。
另一段萬眾期待嘅三角戀落喺李尚正、霞姐及郭珮文身上，今次阿正飾演「孤寒富二代」，面對愛情卻絕對疏爽，直線追擊女神霞姐。 而預告中情節更大玩九龍城寨叉燒飯，更見生人都要破地獄，為觀眾今個蛇年帶來玩味滿瀉嘅喜感。

林襄亦有參與演出。