夫妻的博弈丨高海寧爆靚湯隔空為馬國明送愛心外賣 郭柏姸挑戰勾人夫張頴康多床戲

TVB劇集《夫妻的博弈》正式煞科，總監製鍾澍佳率領一眾演員高海寧、馬國明、張頴康、郭柏姸、游嘉欣、何廣沛及鄧智堅等出席深圳煞科宴，大家仲為13號正日生日嘅高海寧慶祝，高海寧話經已收咗七個生日蛋糕，感受到大家嘅愛，而正日生日當日有馬國明呢位老拍檔全天候陪開工，令佢更加難忘。

眾人為13號正日生日嘅高海寧慶祝。
高海寧去年發現頸部有硬塊，身體出現警號，令佢忙碌工作之餘都多咗注意休息，而今年嘅生日願望就係身體健康。另外佢希望新劇收視創佳績，觀眾喜歡姜幸如呢個角色，因為拍攝過程實在太辛苦。

高ling大爆馬太擔心到隔空請佢幫手點餐，高ling先將餐牌傳給馬太，再由馬太親自發辦，馬明返酒店等食。

馬國明喺拍攝過程好似瘦咗唔少，最心痛嗰位當然係佢嘅太太湯洛雯。
馬國明喺拍攝過程好似瘦咗唔少，最心痛嗰位當然係佢嘅太太湯洛雯，高ling大爆馬太擔心到隔空請佢幫手點餐，高ling先將餐牌傳給馬太，再由馬太親自發辦，高ling用手機點完外賣後仲會代馬太送畀馬國明，叮囑係馬太嘅愛心外賣，叫馬明一定要好好享用。而馬明亦喺訪問中多謝太太，話自己有選擇困難症，而太太完全知道佢嘅口味，通常回到酒店房會見到兩個煲仔飯，絶對唔驚會餓親。馬明繼而大爆太太因為擔心，會不時去深圳秘密探班，之後又急急回港照顧家中貓咪。面對馬明呢番放閃嘅言論，高ling無奈話經已習以為常。

郭柏姸呢次要挑戰勾人夫嘅角色，同飾演人夫嘅張頴康有唔少床戲。
呢套新劇亦有唔少新搭檔CP，好似游嘉欣同何廣沛要演一對，佢哋更形容一場接吻戲浪漫程度媲美韓劇，雖然為咗配合燈光拍攝時間好長，但係游游一啲都冇尷尬，反而專注成果。而何廣沛更封游游係「小生收割機」，入行日子唔算耐，已收穫唔少小生嘅肉咀。而郭柏姸呢次要挑戰勾人夫嘅角色，同飾演人夫嘅張頴康有唔少床戲，Rosita大讚阿康經驗充足，不時幫佢遮穿崩位，令佢拍得好安心。