獨家｜高Ling生日開工受訪再收驚喜祝福 午夜前拍撞車嘔血戲至難忘

啱啱先完成《夫妻的博弈》深圳外景嘅 高海寧 同 馬國明 ，完全冇得休息，雖然呢日係高Ling 38歲生日，不過佢一返港仍要繼續開工受訪，為同樣由佢哋主演嘅賀歲新片宣傳，一踏入午夜已經一直收到好友祝福嘅高Ling咁辛苦，我哋亦當然要送上蛋糕祝賀一下壽星女喇。

高海寧去年事業發展不俗，今年連生日都要開工，不過佢仍然非常開心

我哋亦送上蛋糕慰勞辛苦一整年嘅佢
馬明同主持泉叔亦為佢送上生日歌，而高Ling就希望主演嘅新片有好嘅票房成績，佢仲指原來踏正生日嘅午夜一刻，原來佢正拍攝一場撞車重要戲份，更要瞓地嘔血，好在只係拍戲，而完成演出之後就隨即於街頭受到劇組上下嘅祝福，令佢非常難忘呀。

前晚剛於深圳拍畢新劇外景嘅佢，亦獲劇組成員慶祝