陳展鵬廣州開騷 妻女驚喜現身險淚崩

陳展鵬日前於廣州舉行佢喺內地首個個人音樂會，為咗帶畀觀眾新鮮感，除咗獻唱佢主唱嘅劇集歌外，亦選唱咗四大天王嘅金曲。而為感謝家人對自己嘅支持，煎pan特意喺音樂會上獻唱《高山低谷》嚟答謝家人對自己不離不棄。

陳展鵬於廣州舉行首個內地個唱，大唱劇集同唔少金曲
不過講到成個騷最難忘嘅一幕，就係喺encore後，煎pan嘅囡囡小豬比喺媽咪 單文柔 嘅陪同下，衝上台為爸爸送上生日驚喜，提早幫14號生日嘅煎pan慶生，畀巨大驚喜震驚嘅煎pan，喺台上先同太太單文柔講：「原來你成日話好忙，有好多嘢要安排，原來咁大嚿嘢運上嚟！」之後又單手抱起小豬比表示：「嘩，我真係想喊呀，你唔好搞爸爸喊得唔得呀？爸爸硬漢子嚟唔喊㗎。」台上送完蛋糕後， 小豬比仲留低同煎pan一齊合唱《單車》，相當溫馨呀。
期間太太單文柔突然帶同囡囡小豬比現身，為14號生日嘅佢送上驚喜

事後煎pan話自己完全冇諗過會有呢個生日驚喜，佢話開騷前仲問緊太太點樣對方成日都咁緊張咁忙，當時佢仲話自己先係要上台唱歌嗰歌，而家諗返先知錯怪對方。煎pan話小豬比對唱歌都有興趣，有時見到自己練歌時都會唱兩句，煎pan又指希望未來阿女可以唱到爸爸嘅歌。

之後父女仲齊齊溫馨合唱