葉振棠封咪後孖方伊琪再開騷 聽從醫生意見繼續唱到老保健

葉振棠喺去年以80歲之齡登上紅館開個人演唱會後封咪，但佢聽從醫生嘅意見繼續唱，所以決定出山喺二月孖好友方伊琪開騷，呢日舉行宣傳活動時，棠哥透露個人騷暫時唔會考慮，紅館完咗心願就可以了，因為要獨力支撐舞台演出太大壓力。棠哥透露醫生的確有問佢點解突然封咪，仲話唱歌對棠哥係一個好好運動，叫佢唔好停，相信好多歌迷都會想棠哥繼續唱落去。
葉振棠2月將同好友方伊琪出山開騷。
棠哥亦視唱歌為佢最開心樂事，醫生都話佢可以有80歲咁健康全乃唱歌所致，身邊方伊琪亦叮囑唱歌係練氣功一種，唔好退休。棠哥同方伊琪嘅騷以電視劇主題曲為主題，帶大家重溫經典劇集歌，當中最特別嘅環節係請到方伊嘅兒子謝卓達演出，屆時仲會同棠哥合唱。
葉振棠方伊琪