中聲家族錄影途中送生日驚喜 眼淺車婉婉急急召喚化妝師

呢日《中年好聲音3》錄影，大夥為12月生日嘅主持 車婉婉 同嘉賓評審 伍樂城 送上生日驚喜，錄影途中一大班選手出場，加上樂隊演奏生日歌，令一向眼淺既婉婉即時感動到眼濕濕，仲不停問化妝師喺邊，水煲又要爛咁話。

婉婉同伍樂城呢日獲大家驚喜慶祝生日
婉婉又透露因為之前曾經喺歌曲上同伍樂城合作，知道大家生日只差一日，所以都有試過一齊慶祝生日，而兩位壽星都有分享生日願望，伍Sir希望更多人唱得更好，樂壇需要更多唱得之人。而婉婉希望世界有更多愛，深信愛可以解決好多問題。
佢哋亦分別許下生日願望

另一位嘉賓評審黎瑞恩亦感受到中聲家族幾咁有愛，作為《中年好聲音》忠實粉絲嘅小恩子自一季經已感受到大家嘅親和友好，佢都希望可以有更多機會參加節目。
擔任客席嘉賓嘅小恩子覺得中聲家族愛意滿滿

作為評審嘅肥媽亦借訪問機會拉票，希望大家投票支持入圍今屆萬千星輝頒獎典禮最佳綜藝節目十強嘅《中年好聲音2》。同樣入圍最佳女主持獎打入十強嘅車婉婉雖然得獎信心不大，但都希望大家投票支持一下。

肥媽呢日亦即席為婉婉拉票