在家宴客50道菜丨龔嘉欣獲肥媽傳授廚藝待嫁 鼎爺細心教導鼓勵變暖男

龔嘉欣喺主持嘅節目《在家宴客50道菜》，有機會跟肥媽Maria Coredro偷師，佢話同肥媽一齊入廚，感覺有種屋企嘅感覺，加上肥媽出名廚藝係快靚正，令佢大開眼界。

Katy主持《在家宴客50道菜》盡學各位師傅專技
另外嘉欣又講到肥媽好擔心佢嘅婚姻大事，好想佢學得煮一手好餸，咁就可以快啲嫁得出，肥媽笑指嘉欣仲未嫁，自己都已經嫁咗兩次。肥媽仲不時喺節目中表揚嘉欣學識點煮好餸，真係外在美同內在美兼備。
佢仲話鼎爺外表硬朗，其實非常溫柔

除咗跟肥媽學藝，嘉欣亦有跟鼎爺李家鼎學廚，佢話以往多數跟鼎爺喺劇集上合作，佢形容鼎爺喺片場係好有威嚴，但入廚房就係慈祥嘅爺爺，嘉欣喺節目中，不時獲鼎爺細心教導同鼓勵，令佢對入廚更得心應手。

《在家宴客50道菜》星期一至五晚 22:30 翡翠台