肥媽心急龔嘉欣尚未嫁得出 落力推銷兼醒幾招留住男人個胃

龔嘉欣（Katy）首度主持飲食節目《在家宴客50道菜》，呢集邀請入屋度極高嘅「教煮」肥媽上陣，大展廚藝，傳授箇中秘技，嘉欣好姊妹譚凱琪聞風而至，特登試吓肥媽整嘅生菜包。 

肥媽上陣為嘉欣主持嘅《在家宴客50道菜》示範
肥媽三兩吓手勢就整到一道色香味俱全嘅美食，嘉欣食指大動，仲話要自己試吓整，肥媽讚嘉欣係好有信心睇完可以煮到，嘉欣坦言廚藝係自學，不時上網鑽研食譜，鍾意煮畀人食就覺得好開心。

嘉欣呢啲出得廳堂、入得廚房嘅女仔至今仍係單身，搞到肥媽都心急，話要醒番幾招等佢快啲嫁得出，最重要係識煮嘢留住男人個胃，肥媽更即場落力推銷叫大家多啲約嘉欣，又指嘉欣嘅條件會讓人覺得佢好多仔埋身，一定要自己主動出擊。
肥媽又戥仍然單身嘅嘉欣非常心急

肥媽又大爆嘉欣好食得，可以由朝早食到夜晚，四嚿麻雀咁大嘅肥豬肉都照食，嘉欣視食極唔肥係得天獨厚嘅福份，更係無甜不歡！