龔嘉欣晉升貴氣小富婆 孖譚凱琪拍片曬名牌袋

龔嘉欣入行多年，雖然感情未得意，但事業同經濟就越嚟越好！嘉欣唔只積極拓展戲路升呢做女一，佢喺理財投資方面亦自有一套心得。16歲入行嘅嘉欣就靠住做模特兒，喺中學時期儲到第一桶金，而喺2020年更躍進業主行列擁有自己嘅物業。而喺呢幾年，嘉欣亦相當有投資眼光，大膽進軍飲食界做老闆娘，甚至孖住好姊妹譚凱琪（Zoie）拍住上，創立自家時裝「Katy Zoie」打入時尚界，兩位更做埋生招牌賣力為品牌宣傳。
 譚凱琪同龔嘉欣創立自家時裝品牌。
嘉欣同Zoie呢對好姊妹喺除夕夜亦合體拍變裝片，並且溫馨提示大家記得早啲出門，以免遇到封路影響行程。兩位合體當然係粉絲們喜聞樂見嘅事，不過最吸睛嘅就係佢地拎住嘅名牌手袋，一個袋閒閒地都至少超過20萬，呢個行頭認真富貴！不過嘉欣都唔係第一次低調露出佢小富婆身份，去年十月底，佢拍片同粉絲分享穿搭心得時，意外曝光寓所內部同豪華大海景，而呢次同Zoie拍片時又曬名牌貴手袋，可見嘉欣財力同名氣一樣都節節高升啊！
佢哋仲親身上陣做model。