向佐微博po騷肌相變返男兒身 否認沉迷女裝指時尚不分男女

向佐自從上個月出席「2024微博視界大會」，著住一件白色絨毛大衣行紅地氈引起熱烈討論之後，佢就開始頻頻以女裝造型示人，內地網民仲幫佢改咗個花名叫「向朵花」，不過近日向朵花暫時休息，向佐亦難得變返男兒身。
向佐展現久違嘅男人味。
向佐喺微博post咗幾張裸露上半身嘅相，露出胸肌，展現久違嘅男人味，佢寫到「誰說小佐沉迷了女裝、時尚服裝搭配不分男女、時尚就是要好看。」
向佐展現久違嘅男人味。
事實上向佐近期喺女裝賽道上嘅表現，確實為佢製造唔少話題，而且成為新嘅流量密碼，據知佢今個月頭以低胸女裝露事業線造型做直播，締造出嘅銷售額竟然高達4500萬人民幣。
向朵花向朵花向佐最近愛上女裝打扮。
不過大家都好好奇，向朵花咁前衛嘅時尚觸覺，佢太太郭碧婷有咩睇法，雖然郭碧婷暫時冇任何公開表示，不過見向佐喺微博post出一家四口遊主題公園嘅相，睇得出兩夫妻感情依然好融洽。

向佐覺得時尚服裝搭配不分男女。向佐覺得時尚服裝搭配不分男女。向佐覺得時尚服裝搭配不分男女。向佐同太太郭碧婷