張曦雯與男友陪母遊日 期待聖誕家人聚會開派對

張曦雯（Kelly）帶埋近日返港嘅媽咪一齊現身活動，Kelly好細心幫媽咪整理靚樣先影相，兩母女合照好溫馨，Kelly一直好珍惜同媽咪相處，佢同媽咪仲一齊去日本旅行一個禮拜，男友亦有同行，Kelly亦分享此行趣事，笑指男友本身識日文，主要係幫手翻譯。
張曦雯表示早前同媽咪去日本，男友都有同行。
Kelly屋企人今年會嚟香港一齊度過溫馨嘅聖誕，Kelly好期待呢次嘅幾十人聚會，將出動屋企嘅大廚姐姐整美食開派對，而Kelly負責整甜品。
張曦雯同媽咪一齊出席活動。
Kelly今年有三套劇集入圍頒獎禮提名，佢下令家人同好友投票，對競逐獎項有信心，Kelly指今次喺三套劇嘅角色都係一個新嘗試，自己都好有信心，知道對手好厲害，Kelly出到街見到大家咁支持自己，佢都希望拎到個獎，Kelly透露自己投咗票咗陳豪、譚俊彥同羅子溢爭視帝。