鄺潔楹富二代男友餐廳周年活動 獲「千億女友」郭嘉文撐場

32歲鄺潔楹（Judy）憑甜美外表大受觀眾歡迎，7月尾拍完《武林》，嚟緊聖誕節又要入劇組，Judy兼顧愛情及事業，好識分配時間，與富二代男友Ricky Yung拍拖多年感情穩定，日前佢男友有份開嘅一間中環居酒屋周年活動，Judy拉埋一班好姊妹郭嘉文（Karmen）、林凱恩（Iris）及蔡潔等撐場，胡杏兒老公李乘德（Philip）亦有到賀。

Judy與經營餐廳酒吧嘅富二代男友Ricky拍拖多年，發展至半同居關係，男友Ricky家底豐厚，住在太子道西豪宅。
千億女友郭嘉文自從傳出同「小小超」李澤楷情變後，變得相當低調，甚少公開現身，閒時只係約閨密林凱恩同Judy見面，郭嘉文近年更開美容院創業做老闆，難怪同Judy咁啱key，事關Judy亦係好有生意頭腦，Judy本身家底不俗，入行後落力拍劇，同時擁有投資公司、投資健身室、網上甜品店及創自家品牌服裝，已係多間公司嘅老闆娘，Judy閒時又拍片推介男友開嘅餐廳，真係百足咁多爪！

Judy拉埋一班好姊妹郭嘉文、林凱恩及蔡潔等撐場。

Judy與經營餐廳酒吧嘅富二代男友Ricky拍拖多年，發展至半同居關係，男友Ricky家底豐厚，住在太子道西豪宅，喺尖沙咀經營酒吧生意，亦擁有多部名車，早前傳出Ricky與友人喺銅鑼灣合資開設嘅Omakase餐廳陷入財困欠債，Judy亦為男友澄清稱男友財政正常，指若果男友財困，自己係唔會袖手旁觀，絕對係滿分女友。

Judy本身家底不俗，入行後落力拍劇，同時擁有投資公司、投資健身室、網上甜品店及創自家品牌服裝，已係多間公司嘅老闆娘。

Judy閒時又拍片推介男友開嘅餐廳！