李克勤學霸兒子李立仁獲校方表揚 考IB升大學獲頂尖學府提前錄取

李克勤與太太盧淑儀向來悉心栽培大仔李立仁（Ryan）同細仔李力司（Rex），兩公婆更甚少將阿仔外貌曝光，克勤為咗阿仔讀書，當年豪擲逾半億搬入壽臣山大宅，讓阿仔讀香港加拿大國際學校，大仔Ryan今年考國際預科文憑（IB）亦不負阿爸嘅期望，成為學霸一名，獲頂尖名校提前錄取。

大仔Ryan考IB不負阿爸嘅期望，成為學霸一名，獲頂尖名校提前錄取。
該校噚日喺網上分享「恭喜我們所有2025提前錄取的學生」嘅影片，指今年該校收到80幾份嚟自香港、英國、加拿大及美國各地頂尖學校嘅高等教育錄取通知書，當中見克勤17歲大仔Ryan係校方表揚其中一名學霸，片中見Ryan難掩內心喜悅，查閱電郵後露出燦爛笑容，即與同學逐一擊掌。

該校噚日喺網上分享「恭喜我們所有2025提前錄取的學生」嘅影片，見到克勤大仔嘅身影。
該校指隨住全球各地大學向新生發出錄取通知書，佢哋2025年畢業生已收到80幾份嚟自各頂尖學校嘅高等教育錄取通知書，當中包括學習人工智能與電腦科學、藝術、商業、傳播、工程、法律、科學及獸醫學等學科。 

李克勤與太太盧淑儀向來悉心栽培兒子，望子成龍。
克勤確係一名廿四孝老竇，為供阿仔讀有「IB尖子搖籃」之稱嘅香港加拿大國際學校，除咗豪擲逾半億買大宅，方便阿仔返學之外，阿仔每年學費逾13萬港元，讀至第十二班學費更達23萬港元，而克勤早前受訪就話希望阿仔能夠攻讀喜愛嘅科目之餘，將來就業亦能發揮所長，見阿仔收到提前錄取通知書咁開心，相信克勤應該願望達成啦！

克勤早前受訪就話希望阿仔能夠攻讀喜愛嘅科目之餘，將來就業亦能發揮所長。