愛·回家之開心速遞丨熊家為劉丹賀81歲生日 送足金壽星公寓健康幸福

TVB處境劇《愛·回家之開心速遞》被喻為最有愛嘅劇組，不論大時大節，定係劇組有人生日，大家會約埋一齊慶祝。當中劉丹飾演熊樹根嘅熊家，一班劇中仔女就真係當正丹爺係老竇咁。

1月13號係丹爺嘅正日生日，踏入81歲嘅丹爺仍然敬業樂業，享受開工同時又多咗一班仔女錫自己。
1月13號係丹爺嘅正日生日，踏入81歲嘅丹爺仍然敬業樂業，享受開工同時又多咗一班仔女錫自己，咁爸爸生日，熊家上上下下梗係要慶祝啦，單立文、湯盈盈、滕麗名、呂慧儀、古佩玲同張景淳一齊同丹爺飲茶慶祝生日。

《愛·回家之開心速遞》被喻為最有愛嘅劇組，不論大時大節，定係劇組有人生日，大家會約埋一齊慶祝。
阿蟹喺社交平台開心分享，相中見到佢哋準備咗三個蛋糕，仲送上足金壽星公擺設同一大紥鮮花，氹得丹爺笑到見牙唔見眼，阿蟹寫上「有咩開心得過同阿爸飲茶？ 就係唱住生日歌同阿爸飲茶。阿爸，生日快樂！祝您身體健康！事事如意！」

熊家上上下下非常有愛！